Per miken time Aida qe pret nje bebe te bukur, Emen time rrumbullake ;-)))
Nusja- barkun gjer ne buze. Dhia e bardhe barkun gjer ne toke. Dy shtatzenat ne shtepine e Bakush Stralles priteshin te lindnin o ne nje kohe, o njera pas tjetres. Keshtu kishte thene plaka, e shoqja e Bakushit. Dhe ashtu duhej te ishte.
Nusja - koken varur e syte perdhè.
Dhija e bardhe- koken lart e syte xixe.
Nuses i kishte dhene kooperativa lejen e barres. Dhise ia kishin dhene lejen Bakushi me te shoqen. Kur vinte ne mbremje nga puna Ganiu, mezi priste te shoqen ne dhomen e fjetjes deri vone medemek, per ta pyetur si e ndiente veten de, e per t'ju gezuar se bashku femijes se pare qe po prisnin. Por e shoqja vonohej e vonohej, se punet e shtepise nuk kishin te sosur.
Kur vinte ne dhome, nusja s'kishte fryme me te gezohej. Ngordhte ne gjume. Trembej naten.
- Moj ti c'ke keshtu? - e permendte i merakosur Ganiu.
- Vdiqa! Nuk di c'kam - ankohej e qahej nusja.