Bebe & Vogëlushë

Mirëmëngjes të gjithë miqve tanë Bebe&Vogëlushë!
Sot për programin ushqimor të ditës së Hënë kemi përgatitur:

Zemrën e paradites
Crackers në formë të rrumbullakët ose shkopinj buke (Grisini).
+ Frut i grirë (Mollë+Kajsi)
+ Ujë natyral.





Dreka.
Për vaktin e drekës kemi përgatitur:
Rizotkë i bardhë, me djathë të grirë parmigiano.

Në tenxheren e posaçme të bebit hedhim një lugë kafeje vaj ulliri ekstravirgjër, zverdhim një lugë kafeje qepë të grirë hollë.
Shtojmë orizin ngjyrë të kafenjtë.
Kaurdisim fare pak dhe dora dorazi shtojmë ujë të vluar, pa kripë.
Në mes të zjerjes shtojmë pak dado vegjetale, por duke pasur kujdes dhe provuar, se mos kriposim më tepër seç duhet.
Një minutë para heqjes nga zjarri shtojmë djathin e grirë parmigiano.

Vazhdon dreka me:
Kungulleshka të gjelbëra, të ziera, të spërkatura me nen, nenexhik, menta...! .
2 Qofte (mish i grirë, bukë e thërrmuar, djathë i grirë Grana)
+ Bukë e freskët (një fetë e vogël ose panine)
+ Frut i freskët Mollë (e grirë në grirëse dore, në formë pelte).
+ Ujë natyral.

Zemra e pasdites
Biskota Plasmon
+ Frutë e grirë (Mollë +Kajsi)
+ Ujë natyral.

DARKA
Quinoa
+ Djathë i grirë Grana
+ vaj ulliri ekstravirgjër
Vazhdon darka me proshutë cotto
+ mashurka të zjera
+ ujë mineral natyral
+ pak frutë sipas dëshirës


Faleminderit që na ndiqni rregullisht Bebe&Vogëlushë! :)
Përshëndetje të përzemërta!